Поврзи се со нас

Интервју

Разговор со Тони Ефремоски, директор на Средно економско училиште во Гостивар

Објавено

на

„Ги подготвуваме учениците да бидат конкурентни на пазарот на труд и да ги совладаат идните предизвици“

– Утре стартува првото пријавување за упис на полуматурантите во средно.  Кои струки и профили ги нуди економското училиште?

Ефремоски: Со новото реформирано техничко образование што ќе се  имплементира од учебната 2019/2020 год. во нашето училиште како стручно училиште на учениците кои ќе го одберат нашето училиште за нивно натамошно образование им се нуди струка: Економија, право и трговија, а од образовните профили ќе бидат застапени економски техничар, правен техничар и бизнис администратор.

 – Реалност е дека бројот на деца се намалува, а со години наназад средните училишта водат борба за секој ученик. Кои се вашите адути? Зошто полуматурантите да се одлучат да го продолжат образованието во економското училиште?

Ефремоски: Нашите адути се пред се: професионалност, стручност, одговорност, грижа за безбедноста на учениците, подготовка на учениците да бидат конкурентни на пазарот на трудот и добра основа за продолжување на нивното образование на која било високо образовна институција.

– Вашето училиште се вклучува во разни проекти преку кои средношколците стекнуваат нови искуства, го надоградуваат знаењето и слично. Кои би ги издвоиле и што поконкретно значат ваквите воннаставни активности за децата?

Ефремоски: Неблагодарно е да се издвои некој проект како посебен од причина што пред почетокот,а и во текот на учебната година училиштето аплицира на разни проекти кои се во интеререс и на учениците и на наставниот кадар. Преовладуваат проекти кои имаат мултиетнички карактер, проекти кои овозможуваат јакнење на отпорноста на локалните заедници на насилен екстремизам, мировно образование, преку спортот до мултиетничка кохезија, курсеви кои имаат за цел да ги оспособи учениците за самостојно донесување одлуки, менаџирање на  сопственото  и  туѓото  време,  заземање  став  во  преговорите  во  интерес  на  изнаоѓање  најдобри можни  решенија,  градење  на  квалитетни  тимови  и  водење  на  истите,  притоа  користејќи комуникациски вештини за сигурен пренос на информации, а особено презентациски вештини, што ќе ги подготви  учениците  да се носат со предизвиците на новото време и да бидат отворени за прифаќање на промените.

Тука би го истакнал и потпишувањето на Меморандумот на Средното економско општинско училиште „Гостивар“ – Гостивар со Комисијата за хартии од вредност на Република Северна Македонија со кој ќе се обезбеди развој на науката и напредок на образовниот процес преку размена на искуства, знаења, едукација со што ќе се придонесе за поголема финансиска едукација и вклученост на младите преку факултативна настава која ќе се изведува на класните часови или друга предметна настава. Факултативната настава ќе ја спроведува искусна стручна служба од Комисијата за хартии од вредност на Република Северна Македонија од областа „Вовед во пазарот на хартии од вредност“, а учениците по завршувањето на факултативната настава ќе добијат соодветна потврда за посетувана факултативна настава.

– За едно раководство на училиште и за професорскиот кадар најголемо задоволство е кога после извесно време ќе ги види своите ученици како успешни и реалиизрани луѓе. На прослава на 15 годишнина од матура сведочевте токму за еден таков пример кој е навистина мотивирачки и од кој може многу да се научи.  Кажете ни нешто повеќе околу тоа.

Ефремоски: Точно така. Нема поголема сатисфакција за професорскиот кадар, а се разбира и за раководството на училиштето кога своите ученици по извесно време од завршувањето на средното образование ќе ги види како успешни и реализирани луѓе. Таков пример е и на последната прослава на  одбележување на 15 години од завршувањето на матурата за што посведочија класните раководители. Еден од многуте успешни и реализирани луѓе кое своето средно образование го завршиле во нашето училиште е и Хајан Селмани, кој на класните раководители им ја раскажал својата успешна приказна. Тој е сопственик на компанијата ХАСЕЛТ  ИТ компанија за развој на софтверски апликации со фокус на иновативни решенија во веб, мобилни и cloud решенија. Компанијата главно работи и иновира во едни од најнапредните држави и пазари во светов кадешто напредокот на технологијата е на врвот. Истовремено тој е и сопственик на  сертификат на Microsoft MVP за Web технологии, документ кој единствено тој го има во Република Северна Македонија. Microsoft MVP (Most Valuable Professional) е почесна титула којашто Microsoft ја доделува на технолошки лидери и експерти низ цел свет.

Ова е само еден пример на успешен и реализиран човек кој средното образование го завршил во нашето училиште. Исто така, има и многу други наши ученици кои сега се професионалци во својата област, како менаџери, професори, претприемачи, банкари, сметководители, адвокати, судии, а исто така и успешни инженери, архитекти и.т.н.

И Вие идни генерации кои ќе се одлучите да за запишете во нашето училиште ќе бидете дел од сите овие успешни и реализирани луѓе.

Не двоумете се! Ваш иден избор нека биде Средното економско општинско училиште „Гостивар“ – Гостивар.

Ве очекуваме на 17 и 18 јуни, 2019 година.

Сподели ја веста:
„МИНУТИ ЗА СЕКОГО“ | Фејзи и Ѓурчиновска | ЖЕНИТЕ ОД РУРАЛНИ СРЕДИНИ
Прочитај повеќе
Остави коментар

Оставете коментар

Вашата адреса за е-пошта нема да биде објавена. Задолжителните полиња се означени со *

Advertisement
Advertisement
Advertisement

Огласи за вработување:

- Монтенегро ДОО Гостивар
- Клуб Спорт 77
- Млекара Маврово с.Ижиште
Гостиварпред 4 недели

Курсна листа на НБРМ и приватните менувачници во Гостивар

Македонијапред 5 дена

Денеска е Летник

Македонијапред 2 дена

Денес е Прочка – Проштевајте и побарајте прошка од оној на кој сте му згрешиле

Вестипред 1 недела

Историјат на Осми март – Празник посветен на правата на жените

Гостиварпред 2 недели

Гостиварско архиерејско намесништво: Распоред на дежурни свештеници за Задушница

Гостиварпред 3 недели

Објавен повик за невработени-По 6.000 евра грант за да си отворат бизнис

Гостиварпред 3 недели

„Врие“ од револт кај граѓаните од Бањица: Под шатори ќе спиеме на нивите, ја бараме ветената средба со Владата

Гостиварпред 4 недели

„Пациенти“ во Гостивар, урнебесна комедија за брачните „војни“

Гостиварпред 4 недели

Гостивар во спомен на 8 децении од смртта на херојот Злате Малаковски и Февруарскиот поход

Гостиварпред 4 дена

Со љубов и почит кон корените – „Танец“ одржа концерт во Гостивар

Гостиварпред 2 месеци

Водици 2024 Гостивар: Осветени водите на Вардар – Бог се јави, Навистина се јави!

Гостиварпред 2 месеци

Ангелчињата во Гостивар го најавија Христовото раѓање-Бадникова поворка 2024

Спортпред 3 месеци

По првиот круг од сезоната КК Гостивар „виси“ на 8-та позиција на табелата

Спортпред 3 месеци

Кехинде од пенал му пресуди на Македонија Ѓорче Петров 1-0

Гостиварпред 6 месеци

Стефановски: Гостивар одличен како домаќин и публика, благодариме од срце!

Спортпред 7 месеци

ФК Гостивар загуби на домашен терен од Силекс 1-2

Гостиварпред 7 месеци

Осветена црквата „Св.Климент Охридски“ во Пожаране: Да го чуваме православието, секој храм е парче небо на земјата!

Гостиварпред 7 месеци

Гостивар домаќин на атрактивна Меѓународна изложба на кучиња со учесници од 25 земји

АНКЕТА:

Дали ќе гласате на претстојните ПРЕТСЕДАТЕЛСКИ и ПАРЛАМЕНТАРНИ ИЗБОРИ 2024?
Advertisement

Популарно изминативе 100 дена