Реал ќе добие 1,76 милиони евра за освојување на Евролигата

По завршувањето на сезоната во кошаркарската Евролига, е познато како ќе биде распределен наградниот фонд. Како првопласирана екипа, Реал Мадрид ќе добие најголема сума – 1, 76 милиони евра.

Олимпијакос, поразениот во финалето, ќе добие речиси половина – 996 илјади 992 евра. Монако ќе добие 879 илјади 699 за третото место, Барселона 762 илјади 406 за четвртото.

Понатаму, паричната награда за сезоната 2022/23 е распределена на следниов начин: Макаби – 703 илјади 759 евра, Партизан – 645 илјади 112, Жалгирис – 586 илјади 466, Фенербахче – 527 илјади 819, Басконија – 469 илјади 173, Црвена ѕвезда 410 илјади 526, Анадолу Ефес 351 илјада 880, Милано – 293 илјади 233, Валенсија – 234 илјади 586 и Виртус – 175 илјади 940.