Рецепт за посни крофни, воздушести и превкусни

Овие крофни се одлични за сите кои постат, а сигурно ќе им се допаднат и на другите, затоа што иако се посни, вкусот е неодолив.

Состојки:
-500 гр брашно
-20 гр свеж квасец
-200 мл млака вода
-100 мл кисела вода
-1 кесичка ванила
-1/2 лажичка сол
-1 лажичка шеќер
-50 мл масло
– рендана кора од лимон

Подготовка:

Квасецот се растопува во 100 мл млака вода, една лажичка брашно и една лажичка шеќер. Се остава квасецот да надојде 5-7 минути. Откако ќе надојде се замесува тестото заедно со останатите состојки. Откако убаво ќе се замеси, се остава да надојде двојно од неговата големина. Тестото се дели на 5 дела, од секој дел посебно се расукува кора дебела колку еден прст. Со чаша или со калап се прават крофните. Големината и формата на крофните се по ваша желба. Така формираните крофни се оставаат уште 10 минути. Потоа се пржат во загреано масло. Во текот на пржењето внимавате на топлината на маслото, да не биде претопло за да не изгорат крофните. Доколку е потребно додавате масло се додека не ги испржите сите крофни. Може да ги декорирате со растопена посна чоколада, шеќерни трошки, карамела и слично.