Рецепт за посни полнети пиперки

Најчесто пиперките ги полниме со месо, но сега за време на постот може да ги подготвиме на поинаков начин. Една од опциите како да ги подготвиме се полнетите пиперки со компири, а нивниот рецепт е подолу.

Потребни состојки:

• 6 црвени пиперки
• 100 мл масло
• 1 морков
• 2 главици лук
• 2 компири
• 1 чешне лук
• 500 мл вода
• 2 лажици брашно
• 1 лажичка мелена црвена пиперка
• сол, бибер

Подготовка:

Извадете ги семките од пиперките, добро измијте ги и оставете ги добро да се исушат.

За тоа време ситно исечкајте ги кромидот и лукот, па пропржете ги во тавче, а кога ќе ја променат бојата додадете ги излупените и изренданите моркови. Се заедно се пропржува околу пет минути и дури потоа се додаваат излупените и изрендани компири. Откако ќе го додадете, пржете уште пет минути. Зачинете по вкус.

Пиперките наполнете ги со филот и наредете ги вертикално во тесно тавче. Истурете вода и варете на шпорет околу 50 минути. Брашното и црвениот пипер измешајте ги во половина шолја вода и изматете додека да нема грутчиња. Додадете ја изблендираната смеса во тавчето и варете уште пет минути.

После тоа, можете да ги ставите во рерна да се печат околу 20 минути.