fbpx
Поврзи се со нас

Гостивар

Редовната вакцинација во Гостивар тече непречено, апел до родителите да ги носат децата на вакцина

Објавено

на

Откако почна пандемијата, дел од родителите во Гостивар се соочуваат со недоумица и недоволна информираност околу примањето на редовните вакцини за децата. Од Службата за вакцинација на Здравствениот дом во Гостивар информираат дека имунизацијата на децата од предучилишна и училишна возраст се одвива непречено, според редовниот вакцинален календар, без оглед на состојбите со коронавирусот. Лекарите упатуваат апел до родителите да ги носат децата за вакцина, како што е предвидено во календарот.

„Ние немаме прекинато со работа ниту еден ден откако се прогласи пандемија. Некои родители мислејќи дека не работиме, доцнат и не ги носат на вакцинација, или се прашуваат дали е добро да ги вакцинираат. Затоа сакам да  апелирам до родителите слободно да ги носат децата, ние работиме, ги вакцинираме децата редовно и од школска, и од претшколска возраст по календарот на имунизација. Ако се прашуваат зошто не се прекинало со процесот на вакцинација, да објаснам дека со вакцинација во секакви услови се продолжува, затоа што секогаш постои опасност да не се појави некоја нова епидемија од заразни болести против кои вакцинираме. Како што се случи со епидемијата на морбили пред две години. Затоа е важно да доаѓаат и да ги вакцинираат децата по редовниот календар.“, вели д-р Дафина Богданоска, од службата за вакцинација Гостивар

Медицинските сознанија кажуваат дека вакцините од редовниот календар го поттикнуваат општиот имунитет кај децата и на тој начин тие стануваат поотпорни и на актуелниот коронавирус.

Во редовниот календар на имунизација, од 2019-та година вметнати се две нови вакцини   против рота вирус и пневмококна вакцина кои се даваат во три дози.

Advertisement
Advertisement
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!