Регионалниот план за управување со отпад во полошко на јавен увид

„До 2024 година, 100% од преостанатиот отпад собран во Полошкиот регион треба да се отстранува во согласност со Директивата за депонии на ЕУ. Општините во Полошкиот регион се согласија да ја развиваат депонијата Русино лоцирана во општина Гостивар како регионална депонија, која ќе ја користат сите 9 општини. Така, до 2024 година депонијата Русино ќе биде претворена во регионална депонија во согласност со стандардите на ЕУ“, ова меѓу другото е наведено во нацртот на Регионалнот план за управување со отпад во полошко.

Овој документ, заедно со Нацрт извештајот за стратегиска оцена на животната средина се ставени на јавен увид. Заинтересираните граѓани може да ги разгледаат на интернет страната на Центарот за развој на Полошки плански регион (https://rdcpolog.mk) и во просториите на центарот. Своите ставови и коментари може да ги достават, електронски на: [email protected], по пошта на: Ул. Његошева бр.2, Тетово или  директно во Центарот за развој на Полошки плански регион преку образец за коментари.

За планот и извештајот ќе бидат организирани и две јавни расправи и тоа, во Гостивар на 11 декември и во Тетово на 12 декември.

Документите целосно може да ги прочитате на следните линкови:

Нацрт Регионален план

Нацрт Извештај