Регионот на Гостивар има 221 активно заразени со коронавирус

Енормно се зголемува бројот на новозаразени со коронавирус на подрачјето на Гостивар. Изминатиот период во тек на едно деноноќие се бележеа од 40 до 50 случаи, а оценката на медицинарите е дека состојбата е сериозна и ова е веќе нов ковид бран. Регионот достигна до 221 активно болни и е на трето место во земјава, по Скопје (603) и Тетово (572).

Владата донесе одлука за нови антиковид мерки кои ќе почнат да важат од 16 август, за територијата на целата држава.

„Воведувањето на рестриктивните мерки се важни за на 1 септември децата да почнат на училиште, да имаме успешен попис, да завршат локалните изборите како што треба, Значи прослави по 15-ти на затворено нема. Во сите угостителски објекти, театри, концерти, одредени културни настани, семинари или било што ќе може да присуствуваат граѓани, кои што имаат потврда за примена најмалку една доза вакцина. Јасно е дека со тоа е испратено пораката за вакцинација и ги поттикнуваме граѓаните да се вакцинираат. Зошто? Заради тоа што тоа е единствениот лек и начин да се избориме со оваа пандемија,“ истакна вчера премиерот Зоран Заев.

Од почетокот на пандемијата во општините Гостивар, Врапчиште и М.Ростуше биле дијагностицирани 5.420 позитивни на корона. 252 пациенти се евиднтирани како починати од последица на заразата.