Регулаторна: Нема промена на цените на горивата

Регулаторната комисија за енергетика и водни услуги на Република Северна Македонија
денеска одржа редовна седница на која донесе Одлуката за утврдување на највисоки малопродажни
цени на нафтените деривати и горива за транспорт.

со која одлучи малопродажните цени на нафтените деривати да не се променуваат, односно да останат на исто ниво како што се утврдени согласно одлуката за утврдување на највисоки малопродажни цени на нафтените деривати и горива за транспорт на Регулаторната комисија за енергетика и водни услуги на Република Северна Македонија од 12.03.2022 година.

До следната одлука на РКЕ на сила остануваат следните цени:

Моторен бензин ЕУРОСУПЕР БС 95 – 86,50 (денари/литар)
Моторен бензин ЕУРОСУПЕР БС 98 – 88,50 (денари/литар)
Дизел гориво ЕУРОДИЗЕЛ БС (Д-Е V) – 88,00 (денари/литар)
Масло за горење Екстра лесно 1 (ЕЛ-1) – 83,50 (денари/литар)
Мазут М-1 НС – 60,914 (денари/килограм)
Инаку, вредноста на барелот на лондонскиот пазар утринава изнесува 109 долари, што е пад од 3,55 отсто. Истовремено, на американскиот пазар барелот се тргува по речиси четири отсто пониска цена, односно 105 долари.