Гостивар
Река ученици го преплави Гостивар, градот е домаќин на Образовно рандеву
Голем број ученици, заедно со своите професори од сите страни на Македонија денес и утре се драги гости на градот Гостивар, во рамки на годишното Образовно рандеву на Младинската асоцијација на средни стручни училишта. Настанот традиционално секоја година ги спојува средношколците од средните стручни училишта од земјава при што тие ги покажуваат своите знаења и вештини во различни натпреварувачки категории. Изработуваат бизнис планови, презентираат модни ревии, шминка и фризура, пејат и свират, ги претставуваат училиштата на посебни штандови на најкреативни начини…
МАСУМ Гостивар 05.05.2023
На свеченото отворање денес во Летниот амфитеатар покрај Вардар присуствуваше и министерот за образование, Јетон Шаќири.
„Не мора многу да се зборува со зборови, кога делата кажуваат за себе. Гостопримството на Гостивар се гледа. Денес сите се расположени и се гледа дека организацијата е направена на најдобар начин. Ваквите настани не се само натпревари, туку и настани каде секој може да запознае нов другар, ученик од другите училишта. Им честитам на организаторите и на сите ученици им посакувам успех“, рече министерот.
Деталите за организацијата и координирањето на натпреварот во Гостивар во свои раце ги зедоа професорите од економското и од техничкото училиште, Абиљ Идризи и Сеад Дервиши.
„Сакам посебно да им се заблагодарам на професорите организатори. Нема дилеми дека гостиварци секогаш знаат да дадат максимум од своето гостопримство и знам дека се што е врзано со ова рандеву, ќе помине како што треба.“, кажа во поздравното обраќање градоначалникот Арбен Таравари.
На свеченото отворање зборуваа и директорот на Центарот за стручно образование и наука, Шериф Мифтари и директорите на економското и техничкото училиште во Гостивар, Михајло Ѓиноски и Бесир Салиу.
На Образовното рандеву во Гостивар учествуваат средношколци од 45 училишта. Ова е прв пат по 12 години натпреварувањето да се одржува во првиот град на Вардар.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk