Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!
  • Дата: 13/04/2019 | 22:02

Река во Гостивар: За да живееме во република за сите, треба да има реална, а не само формална еднаквост

Кандидатот за претседател, поддржан од Алијанса за Албанците и Движењето Беса,  Блерим Река, во рамки на предизборната кампања, вечерва одржа митинг во Гостивар.

Река истакна дека партиите на власт сервираат комерцијален патриотизам, не го гледаат интересот на граѓаните, туку само личниот и партиски интерес и дека институциите немаат капацитет за да ја внесат земјата во ЕУ.

„Нема експерти, нема професионална администрација и никаква институционална подготовка за да се започнат преговори со ЕУ, не се исполнети критериумите за влез во ЕУ. Немањето на перспектива ја испразни државата, луѓето заминуваат и тој тренд ќе продолжи доколку не се променат политиките. Немањето на перспектива не е само поради невработеноста, туку и поради заситеноста на граѓаните од непотизам и корупција, недостиг на владеење на правото и политизирано судство.“, кажа Река, кој претставувајќи го концептот „Река за Републиката“ нагласи:  „За да може да го живееме концептот за една Република за сите, треба да постои реална еднаквост, а не само формална. Во една република, нема давање на права, затоа што тие права се природни права на секој државјанин на оваа држава, а не на дискрецијата на оваа владеење која одлучува кому, кога и колку права ќе му се дадат. Македонија како мултиетничко опшество не може да функционира како моноетничка земја. Затоа на 21 април вашиот глас е глас за промена, глас против корупцијата и неправдата“.

Лидерот на Алијанса за Албанците, Зијадин Села рече дека е време Албанец да биде претседател на државата и дека концептот за консензуален кандидат на ДУИ и СДСМ е нереален и лажен. „Гласот на Албанците ќе оди за Блерим Река. Таканаречениот концепт на консензуален кандидат лежи во заедничката спогодба за амнестирање на одговорностите и нарачателите на 27-ми април, за спасувањето на  Трајко Велјановски, за прикривање на криминалите“, рече Села.

Свое обраќање имаше и претседателот на движењето Беса, Билал Касами. „Велат дека не може Албанец да биде претседател, затоа што Македонците нема да го гласале. Не е така. Ако сакаат европска република, велам дека и Македонците мора да гласаат за концептот на Блерим Река“, рече Касами.

Напишете коментар

Close