Рекорд од над 100 казни за едно деноноќие во Гостивар за неносење маски

Во текот на изминатото деноноќие,  според статистиката на Секторот за внатрешни работи Тетово за неносење заштитни маски изготвени им се прекршочни платни налози на 106 лица во Гостивар. Тие се соочуваат со казни во висина од 20 евра, поради непочитување на уредбата за задолжително носење заштитна опрема на лицето.

Во истиот период на гостиварското подрачје, контроли им биле извршени на 302 лицa со решенија за изолација и при тоа не биле констатирани непочитувања. Нови решенија, според евиденцијата на СВР во Гостивар последните 24 часа, не се издадени.

Во периодот од 20 часот вчеравечер до 5 часот наутрои во гостиварскиот регион регистрирано е едно прекршување на владината одлука за целосна забрана за движење на граѓаните, односно на полицискиот час.