Рекордни 1964 нови случаи на ковид-19 во земјава

Во последните 24 часа се направени 7.724 тестови, а регистрирани се 1.964 нови случаи на КОВИД-19. Починати се седум пациенти, сите во болнички услови. Поради технички проблем во системот „Мој термин” во текот на денешниот ден не се евидентирани оздравени лица. Оздравените лица од денешниот ден ќе бидат прикажани во утрешната информација.

Како што информира Министерството за здравство, од вкупно 1.964 нови случаи на КОВИД-19, најмногу има во Скопје – 1070. Потоа следуваат Битола – 226, Прилеп – 122, Куманово – 52, Охрид – 51, Валандово – 44, Радовиш – 35, Велес – 32, Гевгелија – 31, Кавадарци – 29, Тетово и Кочани по – 22, Гостивар и Крушево по – 21, Струга и Струмица по  – 20, Кичево и Крива Паланка по – 17, Ресен и Богданци по – 13, Штип, Неготино и Делчево по – 12, Свети Николе – 10, Кратово – 9, Демир Хисар – 8, Берово, Пробиштип, Македонски Брод и Пехчево  по – 4, Дебар, Виница и Македонска Каменица по – 2, Демир Капија – 1.

Од седумте починати лица, две починати лица се од Скопје (82г и 87г), две починати лица од Прилеп (74г и 86г) и по едно починато лице од Ресен (67г), Струга (71г) и Крива Паланка (39г).

Досега во земјата се направени вкупно 1.672.767 тестирања на Ковид-19.