Репортери без граници: Северна Македонија на 95. место според слобода на медиумите

Земјава се наоѓа на 95-то место според последниот светски индекс за слободата на медиумите на Репортери без граници.

Во споредба со земјите од регионот пред нас се: Србија, Албанија, Косово, Босна и Херцеговина, Грција. Подобро рангирани сме од Бугарија и Турција.

Како стои во извештајот, главната забелешка е за реформите во јавниот радиодифузен сервис, каде не се спроведени, а се најавени уште во 2017 година.

Иако минатата година не се регистрирани напади врз новинари во Македонија, безбедноста на новинарите бележи значителен напредок, Репортери без граници предупредуваат дека културата на неказнивост продолжува да владее во земјата. Само два од 59 регистрирани напади врз новинари во последните години биле предмет на истрага и добиле завршница.

Се споменува и дека контроверзниот амандман со кој и се дозволува на Државната изборна комисија да го набљудува известувањето на изборите во електронските медиуми, е усвоен без дебата и без консултации. РСФ уште бараат да се посвети внимание на фактот што високи владини функционери имаат тенденција да им се закануваат и да ги навредуваат новинарите.

Целиот извештај е на веб страната на Репортери без граници.