Македонија
Рестораните и кафулињата ќе работат до 20 часот, на маса максимум 4…
Угостителските објекти во Македонија утре ќе може да ги дочекаат првите гости, по два и пол месеци пауза во работењето. Владата даде зелено светло за отворање на рестораните, кафулињата, пицериите. Но, тоа се однесува само на летните тераси и под утврдени протоколи.
Министерот за економија, Кресник Бектеши одговарајќи на новинарско прашање: Кое ќе биде работното време на угостителите, со оглед дека протоколите се работени во време кога важеше полицискиот час одговори:
„Угостителските објекти ќе може да работат до 20 часот, максимум на една маса може да седат четири лица и тие не мора да бидат од исто семејство. Остануваат да важат мерките за држење дистанца и дезинфекција.“, рече министерот.
Протоколот за угостителите кои послужуваат храна, кој беше објавен од Агенцијата за храна и ветеринарство, меѓу другото предвидува:
„Угостителите треба да спроведуваат строги мерки за избегнување на евентуален пренос на инфекцијата меѓу вработените и гостите, пренос на инфекцијата преку контаминиран прибор и опремата која доаѓа во контакт со храната и гостите, како и мерки за избегнување на пренос на инфекцијата при прием на храната и послужувањето на гостите.
Примарна останува примена на мерките за лична заштита како што се носењето на заштитна маска од страна на вработените, одржување на хигиена на рацете, физичко дистанцирање од 1,5 – 2 метри меѓу самите вработени и со гостите, но пред се избегнување на допирање на очите, носот и устата. Задолжителна ќе биде дезинфекцијата на рацете и на гостите и на вработените кои тоа треба да го практикуваат почесто, односно во неколку наврати во текот на подготовката и послужувањето на храната. Покрај основната, за вработените треба да се обезбеди и дополнителна заштитна опрема, како што се штитови за лице, водонепропустливи престилки, гумени ракавици и чизми.
Во поглед на организирањето на примот на гостите, масата треба да биде максимум за 4 гости кои ќе бидат сместени на површина од 10 квадратни метри. Растојанието од задниот дел од столицата до задниот дел од столицата на соседната маса треба да изнесува најмалку 1 метар, а гостите да се гледаат едни со други на растојание од најмалку 1, 5 метар.“
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk