Гостивар
Ретко „ДА“ во Гостивар – Пандемијата драстично го намали бројот на нови бракови
Коронавирусот ги попречи плановите на младите парови да застанат пред матичар. Во гостиварско драстично е намален бројот на новите бракови. Според податоците од Државниот завод за статистика во април, мај и јуни во Гостивар се склучиле само 38, во Врапчиште 21, а во Маврово – Ростуше ниту еден нов брак. Споредено со лани, истиот период има три до четирипати помалку новоформирани брачни заедници.
Второто тримесечје од годинава беше и најпогодено од пандемијата, со карантини, полициски час, и други ограничувања. Во надеж за подобри времиња, идните младенци ги одложија свадбите, како и склучвањето на граѓанскиот брак.
Од златарите и бутиците за свечена облека во Гостивар, велат дека не паметат толку лоша сезона, каква што е оваа.
„Во нашето скоро 30-годишно работење немало ваква криза. Ништо не се продава. Порано се знаеше, доаѓале купувале златно, најмногу за невестите, оваа година е најлошото нешто што имаме доживеано. Вака не беше ни во 2001-ра кога имаше конфликт. Ако има свадби, печалбари, ќе живее градот, ако не, се ќе пропадне. Во Гостивар нема фабрики и некој аиндустрија. Од што ќе живее народот?“, велат трговците.
Забраната за организирање на свадби, крштевки и други прослави во угостителски објекти се уште трае. Угостителите и музичарите побараа надлежните да направат промена на протоколот и да дозволат организирање на такви настани, но тоа до сега не е прифатено.
Младите парови, коишто не сакаат да чекаат повеќе за брак, овој период се регистрираат во матичната служба, а прославуваат скромно – со најтесното семејство на заеднички ручек.
Според анализите на Државниот завод за статистика, во Македонија бројот на склучените бракови во второто тримесечје од годинава е намален за 66.5 % во споредба со истиот период лани.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар