fbpx
Поврзи се со нас

Гостивар

Ригорозни контроли во автобусите и комбињата во Гостивар за антиковид мерките – казнети 3 компании

Објавено

на

Секторот за внатрешни работи Тетовo од крајот на минатиот месец презема засилени контролни активности и во јавниот превоз на патници, со кои се опфатени меѓуградски и локални автобуси, комбиња и патнички такси возила.

Во изминатите триесетина денови на тетовско-гостиварското подрачје откриени и законски санкционирани се вкупно 61  возило, од кои во Тетово 50 и Гостивар 11, кои вршеле јавен превоз без потребните лиценци. Во содејство со Отсекот за економски криминал, на сите им се изготвени соодветни кривични пријави според член 284 А од Кривичниот законик и ќе се соочат со предвидените парични и други санкции.

Покрај ова, од средината на минатата недела се контролира и практичното спроведување на владината одлука за 50-процентно користење на капацитетите во јавниот превоз. На три автобуски превозници во Гостивар, кои не ја почитувале оваа одлука, изготвени им се кривични пријави по член 206 од Кривичниот законик за „непостапување според здравствени прописи за време на епидемија“. Од денеска (26 октомври) ваквите активности значително ќе се засилат и ќе следат соодветни поднесоци, секаде каде ќе бидат констатирани прекршувања на споменатата владина одлука, нагласија од СВР.

Advertisement
Advertisement
Advertisement
Advertisement
Advertisement

АНКЕТА:

ДАЛИ ТРЕБА ДА СЕ ЛЕГАЛИЗИРА МАРИХУАНАТА ВО ЗЕМЈАВА?

Популарно изминативе 100 дена

error: Содржината е сопственост на Gostivarpess.mk!