Ролат со ајвар…сезона му е!

Периодов во најголемиот дел од семејствата се подготвуваат зимници, меѓу кои секако неизбежен е и ајварот-специјалитет на балканската кујна. Теглите оставете ги за назима, но искористете прилика и со малку од ајварот подгответе еден интересен деликатес: ролат со ајвар и сирење.

Состојки:

5 големи лажици ајвар

5 големи лажици брашно

5 јајца

200 гр. сирење

мал филџан павлака + 3 лажици за филот

100 гр. пилешки гради

Прашок за пециво

Масло, сол

2 суви везени пиперки

Подготовка:

Тесто: Најпрво скршете ги јајцата и одвојте ги жолчките од белките, а потоа со белките измиксирајте цврста пена. Додека ги матите жолчките, додавајте ја павлаката. Откако убаво ќе измиксирате, во смесата додајте го брашното и печивото, посолете и ставете ги ајварот и маслото. Потоа, додадете ја цврстата пена од белки и промешајте. На тава за печење ставете хартија и распоредете ја смесата рамномерно. Печете 10 минути во загреана рерна на 180 степени. Печеното тесто ставете го во влажна крпа, свиткајте го во ролат и оставете да се олади.

Фил: Измешајте 3 лажици павлака со исецканите суви пиперки, сирењето и ренданите пилешки гради. Изладеното тесто премачкајте го со филот и повторно превиткајте го во ролат. Исечете на парчиња и сервирајте.