Гостивар
Ромското знаме да биде во официјална употреба во Гостивар, иницијатива на ДСР
Демократски сили на Ромите најави дека ќе покрене иницијатива за официјална употреба на ромското знаме на територијата на Општина Гостивар. Партиска делегација предводена од претседателот на гостиварскиот огранок, Кашмир Салиу, денес беше кај градоначалникот Арбен Таравари. По средбата, ромското знаме беше истакнато во општинскиот прес центар, како симболика на идно официјализирање на неговата употреба.
„Денес за ромската заедница претставува огромен ден. Со градоначалникот разговаравме за многу актуелни прашања, меѓу кои и употребата на ромското знаме. На следната седница на Советот од страна на нашиот советник ќе биде покрената иницијатива за официјална употреба на ромското знаме во Гостивар. Како доказ за тоа, денес во прес центарот се постави ромскот знаме. Ова е историски ден за ромската заедница, сакам на сите Роми во Гостивар и во цела држава да им честитам и на сите општини во Република Северна Македонија да им предложам да го следат овој пример, на овој мултиетнички живот што ние го имаме во Гостивар.“, истакна Салиу.
Ромското знаме во Општина Гостивар ќе им се придружи на македонското, албанското и турското знаме, кои актуелно се во официјална употреба. Тие се истакнати на јарболот пред општинската зграда, се поставуваат на празници, одбележувања и настани, согласно Законот за употреба на знамиња.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар