Ротквица – зеленчук корисен за цел организам

Ротквиците не се најпопуларниот зеленчук, но тие се еден од најздравите видови на зеленчук. Зеленчукот содржи и многу витамини, минерали и хранливи соединенија кои можат да имаат корисен ефект врз нашето здравје.

Нутритивниот профил на ротквицата е многу разновиден и нуди широк спектар на хранливи материи кои можат да имаат големо влијание врз здравјето. Од фолати до соединенија на сулфур, ротквиците влијаат на многу различни аспекти на телото и можат многу да придонесат за здрав систем, внатре и надвор.

Ротквицата помага во варењето на храната

Дневниот внес на доволно влакна може да спречи запек, киселина и други дигестивни нарушувања. Ротквиците содржат добра количина на влакна. Конзумирањето на една порција ротквица секој ден ќе ви ги обезбеди влакната што ви се потребни за целосно функционирање на дигестивниот систем. Ротквиците можат да помогнат и при чир на желудникот со зајакнување на слузницата на желудникот и заштита на другите ткива во цревата.

Ротквицата помага при дијабетес

Ако имате преддијабетес или имате проблеми со шеќерот во крвта, консумирањето ротквици може да помогне во регулирањето на шеќерот во крвта и да помогне во спречување на дијабетес тип 2. Овој зеленчук содржи антидијабетични својства кои можат да ја подобрат функцијата на имунолошкиот систем, да го подобрат навлегувањето на гликозата и да го намалат шеќерот во крвта.

Ротквицата ја подобрува кожата

Не само што ротквицата е полна со вода, туку и зеленчукот содржи високо ниво на витамин Ц, витамин за кој се знае дека е многу корисен за кожата. Витаминот Ц ја подобрува еластичноста на кожата помагајќи да се формира колаген, хранлива материја која ја сочинува структурата на кожата, коските и другото сврзно ткиво.

Покрај тоа, обезбедува засилена заштита од УВ зраци на кожата. Фолната киселина во ротквицата го намалува оксидативното оштетување, а витаминот Б6 може да го намали стресот и спречува предвремено стареење.

Ротквицата ја подобрува функцијата на имунитетот

Витаминот Ц во ротквицата е витална хранлива материја за поддршка на имунолошкиот систем и за раст и поправка на ткивата. Витаминот Ц е моќен антиоксиданс кој може да помогне да се елиминираат болестите како што се грипот или обичната настинка.

Ротквицата го намалува крвниот притисок

Калиумот има регулаторни својства кои можат да ги балансираат телесните течности. Калиумот има многу позитивно влијание на крвниот притисок и може ефикасно да го намали крвниот притисок до нормално ниво преку функцијата на бубрезите.

Ротквиците содржат умерено високи нивоа на калиум и можат да помогнат во балансирање на крвниот притисок кај оние со хипертензија. Покрај тоа, ротквицата, преку синтеза на колаген, може да ги зајакне ѕидовите на крвните садови и да го намали ризикот од атеросклероза.