И во Холивуд ги пијат – Шејкови за освежување и топење на килограмите

Последните неколку години овие напитоци станаа омилен појадок или ужинка на луѓето ширум светот. Зошто да не го почнете денот со нешто што ќе ве освежи, а притоа ќе ви помогне во регулирање на тежината? И ѕвездите во Холивуд имаат свој омилен шејк!

Шејк од боровинки

Совршен за појадок или како ужина во текот на денот.

Состојки

• 1 чаша боровинки
• 1 чаша обезмастено млеко

Измешајте ги состојките во блендер, а потоа може да додадете и ленено масло кое дополнително ќе помогне за топење на мастите.

Шејк од домати и јогурт

Овој солен напиток е богат со антиоксиданти, витамини и хранливи влакна.

Состојки

• 2 домати
• ½ чаша јогурт
• ¼ чаша вода
• ½ лажичка сок од лимон

Состојките добро измешајте ги во блендер, а потоа додадете уште малку сок од лимон.

Алтернатива

Ако немате време, наместо шејк од боровинки или домати, напијте се зелен чај или лимонада.

Лимонадата помага во чистењето на организмот, а зелениот чај не само што ќе ве стопли во ладните зимски денови туку го чисти телото од токсини, ги разградува мастите и ви дава енергија и чувство на ситост.