РУЧЕК ЗА ДЕНЕС: Похувани пиперки со кашкавал и тиквички

Многу вкусно и едноставно летно јадење.

За похуваните пиперки ви треба:

• 10 печени пиперки
• 200 гр кашкавал
• сол според вкус
• бибер според вкус
• сув билен зачин
• 2 јајца
• 100 гр меко брашно
• 100 гр презла

Подготовка:

– Кашкавалот се сече на тенки кришки, колку една пиперка. Исчистете ги печените пиперки од стебленцата и семките. Посолете ја секоја пиперка, зачинете со зачин и бибер. Во секоја пиперка ставете парчиње кашкавал
– Секоја пиперка се валка во брашно, јајца и презла
– Пиперките се пржат во длабоко врело масло. Откако ќе бидат готови ставете ги на хартиена крпа за да се исцеди вишокот на масло.

За пржени тиквички ќе ви требаат следниве состојки:

• тиквичка
• 2-3 јајца
• брашно
• сол
• масло за пржење

Подготовка:

– Подгответе една млада тиквичка со средна големина
– Излупете ја и исечете на тенки прстени или листови
– Во посебен сад изматете 2-3 цели јајца, додадете сол и две лажици брашно. Добро изматете да добиете еднолична смеса, нешто поретка отколку за палачинки
– Во тавче загрејте малку масло
– Натопете ги тиквичките во смесата со јајцата и пржете ги на врело масло од двете страни додека малку да поруменат. Можете да ги ставите хартиена крпа за да го впиете вишокот маснотии.

За да го направите оброкот уште поубав, можете да испечете и додадете млади компири.