Руската армија гаѓаше градови низ Украина, гранатирани Киев, Лавов, Днепар, Запорожје, Харков

Еден ден откако Владимир Путин го обвини Киев за тероризам за нападот на мостот Керч што го поврзува полуостровот Крим со копното, утрово руската војска целеше градови низ Украина.

Киев, Харков, Запорожје, Лавов, Днепар и Тернопил биле под напад на руските војски.

Ова е прв напад врз Киев од 26 јуни, а според информациите на украинските власти загинале најмалку осум лица.

Засега нема информации за загинати и ранети во нападите врз градовите во внатрешноста на Украина, повеќето од погодените места се без електрична енергија, погодена е термоелектраната во близина на Киев, како и уште 11 други стратешки цели.

Повеќето западни земји издадоа наредба, амбасадите и нивните граѓани итно да ја напуштат Украина.

„Нападите утринава низ Украина покажуваат дека Русија се обидува да не уништи и да не избрише од лицето на Земјата“, изјави украинскиот претседател Володимир Зеленски. Неофицијално погодено е седиштето на украинската служба за безбедност во Киев.

Според извештаите на руските служби, во утринскиот напад испукани се 47 крстаречки ракети во областа Николајев, 60 во Киев, 15 во Лавов, 27 во Виница, 20 во Харков, 15 во Одеса, 10 во Днепропетровска област.