Руски војници поминале 15 километри низ цевки за гасовод до украинските позиции

Во операција што ја надминува воената тактика од современото доба, повеќе од 800 руски војници и доброволци спроведоа невообичаен маневар, навлегувајќи во позадина на украинските сили преку подземен гасовод. Според извештаите на руските воени извори и новинарката Анастасија Кашеварова, операцијата започнала на 8 март, кога специјални единици претходно се движеле околу 15 километри низ празниот гасовод Уренгој-Помари-Ужгород, кој до 1 јануари 2025 се користеше за транспорт на руски гас кон Европа.

Оперативците, вклучувајќи ги јуришните бригади „Восток“, единиците од 30-от полк на 11-та воздушно-десантна бригада и специјалните сили „Ахмат“, по два дена движење низ гасоводот чиј дијаметар на цевките изнасувал 1,4 метри, останале во него уште четири дена, чекајќи погоден момент за напад. Изненадувачкиот маневар им овозможил да се појават зад линијата на украинските сили во индустриската зона на градот Суџа, во регионот Курск каде што започнале директни борбени дејствија.

„Непријателот беше изненаден. 30 минути по нивното појавување, украинските вооружени сили почнаа да ја гранатираат цевката со касетна муниција, но руските војници веќе беа засолнети во шумскиот појас, каде што ги консолидираа своите позиции и предизвикаа паника во непријателските редови“, истакна Кашеварова на својот канал на Телеграм.

Оваа операција, која според аналитичари претставува редок пример на користење на инфраструктурни објекти за воени маневри. Според руските извори има загинати, војниците се соочиле со екстремни услови, вклучувајќи недостаток на кислород и изложеност на метан, но задачата била извршена.