Ружата како лек – Како да ја подготвите и за што може да ви помогне?

Првата асоцијација, кога ќе се спомене ружата секако е убавината. Но, освен како украс и за декорација, ружата успешно може да се користи и како природен лек. Позитивните дејства на ова растение се познати од далечното минато, а древните народи редовно го употребувале во разни медицински рецепти. Еве неколку примери:

Чај од ружа

Можете да го конзумирате за прочистување на крвта, при болести на црниот дроб и жолчката како и проблеми со варењето на храната и болки во желудникот. Чајот помага и за регенерирање на цревната флора, уништена од прекумерна употреба на антибиотици.

Во еден сад се две супени лажици суви ливчиња од ружа се поливаат со 3 дл врела вода, садот се затвора и се остава да отстои 5-10 минути.

Оцет од ружа

Ова е одлична течност која може да помогне како облога против отоци, лосион против акни и за испирање на усната празнина при воспаление на непцата. 125 гр. свежи ливчиња од ружа, се прелеваат со 1 литро вински оцет и се остава да одлежи 9 – 10 дена, по што може да се користи.

Сируп од ружа

Благотворен за јакнење на срцето, нервите, против замор, како и за прочистување на белите дробови. Се препорачува на пушачи.

Еден филџан свежи ливчиња од ружа се прелева со литро врела вода и се остава да отстои 24 час во затворен сад. Потоа течноста се процедува, се додава 250 гр. кафеав шеќер и се вари на тивок оган додека шеќерот не се истопи. Откако ќе се истопи се додава сок од еден лимон и се доварува уште 5 минути. Се конзумира 2 до 3 лажици дневно.