Сѐ уште гори кај Врбен! Во гаснењето вклучени специјалци Тигри, направен противпожарен појас

Големиот шумски пожар над горнореканското село Врбен е сѐ уште активен. Рано утрово се работело на создавање противпожарен појас, а моментално на терен огнот го гаснат пожарникари, вработени во НП Маврово, локално население како и припадници на специјалната единица Тигри.

„Синоќа побарав помош од фирамата Бехтел и Енка , одговорија позитивно, пристигна голем булдожер, со кој рано наутро пред изгрејсонце почна гребење на почвата, таканаречен противпожарен појас ,со ширина од околу 4 метри, со што горнот дел од овој пожар е обезбеден и ќе биде прекинат, нема да може да продолжи кон блиската шума во насока кон Шар Планина. Иако во текот на ноќта пожарот беше ставен под делумна контрола, моментално повторно се разгорува на едне крак и тоа во насока на густа шума. На лице место испративме 24 специјалци од Тигрите, на терен има и има 20 вработени во НП кои со поддршка на пожарникари од Гостивар се обидуваат да го спречат ширењето на огнот. Од воздух помага големиот полициски хеликоптер Ми 171 а набргу ќе му се придружи и словенечкиот хеликоптер. Кога гледав синоќа како горат стари дрва, ели по 20 до 30 метра, тоа изгледа многу тешко и жално, борбата со огнената стихија е многу тешка“, информираше директорот на ЦУК, Стојанче Ангелов. Освен ела, на тој терен горат и смерки.

Во земјава вчера имало 38 пожари на отворено, 24 се изгаснати, 5 се под контрола, додека 9 се активни.