Саботно журкање и алкохол-Полицијата фати 10 пијани возачи во Гостивар

Полициски службеници на СВР Тетово ноќеска (28/29 мај) од 23 до 5 часот, на тетовско-гостиварското подрачје спровеле акциска контрола за управување на возилата под дејство на алкохол, во која биле откриени и санкционирани вкупно 30 прекршоци. Од нив 20 во тетовско, а 10 во гостиварско.

„На возачите-прекршители изготвени им се соодветни поднесоци и веднаш се исклучени од сообраќај. Покрај ова, санкционитани се и 16 други видови сообраќајни прекршоци. СВР Тетово апелира до возачите да не седнуваат зад волан под дејство на алкохол, зашто на тој начин ја доведуваат во ризик сопствената и безбедноста на другите учесници во сообраќајот, а ќе се соочат и со законски предвидените санкции.“, велат од СВР.