САД и Кина со најмногу златни одличја на ЛОИ 2024 во Париз

Во финалното рангирање на освоени медали на веќе затворените Олимписките игри во Париз натпреварувачите од САД и Кина завршија како најуспешни со освоени по 40 златни медали.

Спортистите од САД  завршија на врвот, освојувајќи 40 златни, 44 сребрени и 42 бронзени или вкупно 126 медали. Како и САД, Кина исто така освои 40 златни медали, но кинеските спортисти освоија помал број сребрени и бронзени медали, 27 сребрени и 24 бронзени, па завршија на второто место. Вкупно, дури 91 репрезентација освоија медали на Игрите во Париз, а олимписки победници, со злато се закитија 63 земји.

Одлични игри имаа и Јапонија (20-12-13), Австралија (18-19-16), Франција (16-26-22) и Холандија (15-7-12), Велика Британија (14-22- 29), Кореја (13-91-10), Италија (12-13-15) и Германија (12-13-8).

Најдобро учество од регионот има Србија која го зазеде 27. место со три злата, сребрен и бронзен медал, Хрватска на 30. место со две злата, едно сребро и три бронзи, а Словенија на 34. место со две злата и едно сребро.

На овие игри медали освоија вкупно 91 репрезентација, вклучувајќи ја и селекцијата на бегалци. За прв пат во историјата медали освоија Албанија, Света Луција и Доминика.