Садови кои никогаш не треба да се мијат во машина

Неспорно е дека машините за миење садови многу ги олеснија секојдневните домашни работи и придонесоа да се троши многу помалку време во кујната. Садови, тави, тенџериња, планина од чинии после ручек – сето тоа машината за миење садови го мие за еден час.

Но, дали се може да се измие во оваа „магична“ машина или понекогаш миењето на раце е единствената или најдобрата опција?

Дрвени прибор и даски за сечење никогаш не треба да се мијат во машина за садови

Топлата вода и детергентот што се користат за миење садови во машина за миење садови може да го оштетат дрвото и да ги направат даските за сечење и дрвените чинии целосно неупотребливи. Најдобро би било овие кујнски предмети да ги миете рачно, со млака вода и само неколку капки детергент.

Старите садови со мотиви бараат нежен третман

Ако сте наследиле стари садови со рачно насликани мотиви од вашите родители, баби и дедовци или прадедовци, имајте на ум дека не смеете да ги перете во машина за садови. При високи температури, детергентот може да ја кородира бојата и за кратко време ќе останете без убавите спомени кои ги носат тие чинии.

Рендето секогаш мијте го рачно

Малите кујнски предмети ги задржуваат остатоците од храна по употребата, и иако машината за миење садови е силна и многу темелна кога станува збор за миење, многу е тешко да се справите со овие остатоци. За да ја измиете машината за дробење лук или рендето, задолжително користете четка или жица.

Термоси и чинии во кои носите храна

Иако материјалите од кои се направени термоси и чинии за носење храна се прилично издржливи кога се во прашање високите температури, нивното миење во машина за садови може да ги оштети. Најчувствителните делови од овие предмети се гумичките кои се користат за затворање, кои поради топлината можат да напукнат и да ги загубат своите својства.

Теглите со налепници не се добредојдени во машините за миење садови

Стаклените тегли и шишиња може да се мијат во машина за миење садови, но под еден услов – претходно мора да се отстранат сите етикети од нив. Можете да ги натопите во топла вода, да ги загреете со фен додека не се олабави лепилото или со нож да ги изгребете налепниците. Ако ништо од ова не помага, подобро е да ја фрлите теглата отколку да ја ставите во машината со етикетата, бидејќи хартијата може да ја затне.

Садови со тефлонска обвивка

Тави, тенџериња и други садови со тефлонска обвивка, исто така, никогаш не треба да се мијат во машина за миење садови. Топлата вода и силниот детергент може да доведат до корозија на облогата, па ако сакате тие садови да ви траат што подолго, секогаш избирајте миење со раце.