Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

  • Дата: 14/03/2019 | 18:05

Сакате ли риба? Пастрмката го чува срцето, лососот е добар за мускулите и коските

Рибата како оброк на семејната трпеза е секогаш добар избор. Освен што е вкусна, лесно се вари, има и многу благотворни дејства врз човековото здравје. Генерално сите видови на риби се полни со витамини, минерали и аминокиселини. Но, секоја врста носи специфични бенефити за организмот.

Пастрмка

Пастрмката има нискокалорично месо и содржи мала количина натриум, поради што е добра за кардиоваскуларниот систем. Важи за добар чувар на најважниот орган, срцето. Исто така, се препорачува и на дијабетичари и оние кои страдаат од висок крвен притисок.

Ослич

И оваа врста на риба е доста застапена на нашите трпези. Добрата вест е што осличот спаѓа во диетална храна со ниска калорична вредност, во 100 гр. ослич има 0,85 гр. масти и 1,75 гр. протеини. Богат е со витамини од Б групата, како и калиум, калциум, фосфор. Одличен е за работата на мозокот и за коските.

Лосос

Месото од лососот е добро за мускулите и коските, нервниот систем, органите за варење. Изобилува со омега 3 масни киселини, Б6, Б12 витамини, како и железо, цинк, селен. Едноставено ова е таа супер храна што ви е потребна.

Сардина

Се разбира ова се однесува на свежите сардини, а не оние од конзерва. Богата е со аминокиселина-триптофан и со магнезиум, поради што поволно влијае врз подигнување на расположението и опуштање.

Напишете коментар