Сакате варена пченка? После овој рецепт ќе ја засакате уште повеќе

Сезоната на варенa и печенa пченка е во полн ек, а малкумина можат да одолеат на тоа, дома, на плажа или на прошетка низ градските улици.

Покрај тоа што е одлична, вкусна закуска, пченката е исто така многу здрава и е одличен избор дури и за оние кои се на диета – една пченка има само 80 до 100 калории.

Веруваме додека трае сезоната често подготвувате пченка и дома, а најчесто луѓето ја готват само во соленкаста вода, но вистинските гурмани тврдат дека е неопходно да ги додадете овие две состојки што сигурно ги имате во фрижидер, за да добиете најдобар резултат.

Станува збор за млеко и путер кои на варената пченка и даваат едно сосема ново ниво и ја прават уште посочна и повкусна.

Потребни состојки:
-6 пченки
-вода
-чаша млеко
-100 грама путер
-лажичка сол

Подготовка:
Пополнете го садот до половина со вода и кога водата ќе зоврие, додадете чаша млеко, путер и сол. Кога сите состојки ќе се растворат во мазна маса, додадете ја пченката. Намалете ја топлината, а потоа гответе ја пченката додека не биде готова, како и секогаш.