Салата за вечера за сите што сакаат да слабеат

Појадокот изеди го сам, ручекот подели го со пријателите, а вечерата дај им ја на непријателите – вака вели една позната поговорка. Секако симболично кажано, но сепак навистина на организмот најмногу му треба енергија кога го почнува денот, а најмалку навечер, кога е програмиран да мирува.

Спротивно на тоа, повеќето луѓе имаат зголемена потреба за храна токму навечер, без разлика дали е обилна вечера, мезе или грицки. Ако сте во оваа група, пробајте за вечера да јадете ваква салата, ем ќе се засити, ем ќе ви помогне во слабеење.

состојки:

1 корен од целер

1 кисело јаболко

1 морков

грст ореви или печени бадеми

прелив: лажичка сенф, 2 лажички маслиново масло, сок од 1 лимон, сол, бибер, лажичка мед

подготовка:

Наједноставно на свет. Изрендајте ги целерот, јаболкото и морковот, измешајте ги и прелијте ги со предвидените состојки, претходно добро измешани. На крај додадете ги сецканите ореви/бадеми.