Салеп-маѓично корисен против кашлање, бронхит и воспаленија на грлото

Слободно може да се каже дека салепот е идеален зимски пијалок. Освен што има интересен и богат вкус, многу е корисен во борбата против кашлицата и инфекциите на респираторните органи. Инаку, се прави од растение, од видот на орхидеи (Orchis mascula) и спаѓа во лековити билки кои се берат во пролет. Здравите, сочни и развиени грутки (корени) се откопуваат кога билките цветаат или потоа. Собраните грутки се мијат со ладна вода, потоа се држат неколку минути во топла вода за да се деактивираат ензимите во нив, па се сушат на сонце. Заради големата количина на слуз која ја содржи, коренот се суши и се меле и се добива прав од салеп.

Салепот содржи полисахариди, протеини, масти и карбохидрати. Освен за дишните патишта помага при стомачни тегоби, надуеност, па и чир.

Начин на подготовка:

1 лажичка салеп се става во 150 мл вода или млеко. Се мешаат се додека не почне да врие на тивок оган. Се додава шеќер, а откако ќе се стави во филџан се додава цимет.

Еден до два филџани неделно ќе ја подобрат вашата концентрација и енергија. За настинката е совршена замена за оние кои не се љубители на чај.