Култура
Самостојна изложба на Даница Дана Крстеска – Архетипови и сенки
Утре (21 септември) во 18 часот во галерискиот простор на Н.У. Уметничка Галерија Тетово ќе биде отворена самостојната изложба на слики на гостиварката Даница Дана Крстеска, насловена како ,,Архетипови и сенки“ на која публиката ке има можност да види дваесет дела во техника масло на платно, реализам. Во оваа серија слики Дана останува доследна на својот уметнички израз, на сликите преовладуваат мотиви со коњи, жени, птици и др.
За овој циклус од нејзиното творештво историчарот на уметност Роберт Цветкоски ќе рече – …Повеќе од јасно е дека до овој резултат се стигнало преку перманентна работа и ликовни истражувања во рамките на темите коишто самата авторка си ги задала како енкриптирани психолошки состојби што треба визуелно да ги разреши на сликарското платно. Авторката Дана Крстеска можеме да вброиме во онаа група автори коишто поседуваат префинет сликарски сензибилитет, специфична ликовна поетика и јасен ликовен израз. Делата поседуваат позитивна носечка енергија благодарение на композициските поставки на авторката, но посебна динамика даваат нејзините цртачки квалитети и соодветен третман на колористичката обработка на елементите па делата делуваат прилично реално, со оглед на хиперреалистичниот пристап во некои од нив…
М-р Марија Светиева – слободен уметник за оваа изложба вели – …Ако е вистина тезата дека преку сликарството се одразува битието на уметникот, оваа изложба на најубав начин тоа го прикажува со композициската структура, спектарот бои и потезите на четката. Сликарството на Дана е совршен пример на синтеза помеѓу болка, хармонија и радост…
Овој циклус на слики е израз и спој на внатрешното – наталожените искуства, емоции, преживеаното, интуицијата, како и светот на несвесното, од тука и насловот на изложбата ,,Архетипови и сенки,, појаснува авторката.
Даница Дана Крстеска досега имала три самостојни изложби: во Гостивар (2016 и 2018), и во Скопје (2018), како и учество на многубројни групни изложби и културни манифестации.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 1 месец
Денеска е Летник
-
Гостиварпред 3 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар