Самостојните уметници може да се пријавуваат за месечен надоместок од Министерството за култура

Министерството за култура на Република Македонија го објави Конкурсот за доделување на месечни надоместоци на самостојните уметници за 2019 година. На Kонкурсот може да се пријават  самостојни уметници кои се регистрирани во Централниот регистар како трговец-поединец самостоен уметник за вршење уметничка дејност, во согласност со Законот за културата и со Законот за трговските друштва.

Како што наведуваат од Министерството, средства од Буџетот на Република Македонија, ќе бидат обезбедени за месечни надоместоци на самостојните уметници, за придонесите за здравствено, пензиско и инвалидско осигурување и за персоналниот данок на доход.

Основни критериуми за доделување на месечниот надоместок на самостојниот уметник се уметничките вредности на неговото творештво и на неговите изведби и активности во текот на последните пет години.

Конкурсот целосно е објавен на веб-страницата на Министерството за култура www.kultura.gov.mk. и ќе трае до 14 декември.