СДСМ Гостивар: Младите заслужуваат повеќе спортски игралишта, културни настани, велосипедски патеки…

„Младите се енергијата, моторот, двигателот кон промените и победите. СДСМ е партија која го препознава потенцијалот на младиот човек и му дава шанса да учествува во креирањето на севкупниот општествен и политички живот.“, порачаа кандидатите за членови на Советот на Општина Гостивар од Коалицијата „Најдоброто за мојата општина“ предводена од СДСМ, Роберт Бошкоски и Ема Нешковска.

Тие нагласуваат дека младите во општина Гостивар се соочуваат со многубројни проблеми. „Општинската власт е глува на нивните потреби и проблеми. Во Гостивар, за жал речиси воопшто и да нема културни и спортски настани, а нема доволно ниту спортски игралишта. Во Гостивар нема доволно пешачки и велосипедски патеки. Советничката група на СДСМ ќе се залага токму за тоа, за се она што му недостасува пред се на младиот човек: многу повеќе зелена површина, почист воздух, спортски игралишта, културни настани, детски градинки, повеќе пешачки и велосипедски патеки.“, подвлекуваат кандидатите.