СДСМ Гостивар: Со чувство на одговорност да развиваме култура која не прифаќа насилство!

Општинската организација на СДСМ во Гостивар во пресрет на 10-ти декември, Денот на човековите права и како заокружување на последниот ден од кампањата „16 дена женски активизам“ , повика на подигнување на свеста за ненасилство и вклучување на сите во борбата против истото.

„Целта на оваа кампања е подигање на свеста дека за насилството не треба и не смее да се молчи. Крикот се слуша и кога некој молчи. Секој од нас, од институциите, или поединечно, има обврска пред тој Крик, тивок или гласен – да не го одмине, да реагира! Со чувство на одговорност да развиваме култура која не прифаќа насилство. СДСМ се залага за промовирање на родовата еднаквост и зајакнување на жените во општеството низ: донесеното законодавство, со коешто се забранува дискриминација врз жените, усвоените и спроведени програми и мерки што промовираат имплементација на суштинска родова еднаквост во сите области, активностите за подигање на свеста и елиминирање наб ариерите за родова еднаквост. Наша цел е да се стави крај на секоја форма на дискриминација врз сите жени и девојчиња, да се елиминир секоја форма на насилство врз ситежени и девојчиња, да се обезбеди целосно и ефективно учество на жените и еднакви можности за лидерство на секое ниво, да се спроведат реформи, коишто им даваат на жените еднакви права на економски ресурси, донесувањето и зајакнувањето цврсти политики и применливо законодавство за унапредување на родовата еднаквост, обезбедувањето универзален пристап до сексуално и репродуктивно здравје и репродуктивни права.“, изјави Драгољуб Филипоски, претседател на ОО на СДСМ во Гостивар.

Зборувајќи за родовата еднаквост и борбата против семејното насилство, претседателката на Форумот на жени, Соња Дамјановска нагласи: „Најважно е жените коишто се жртви на семејно насилство да се охрабрат и да проговорат. Да знаат дека ни сме тука, како луѓе и како институции, како држава да ги поддржиме. Многу е важно секоја жена да се избори за себе, а ние да и помогнеме“.