СДСМ со граѓански трибини во Гостивар и Врапчиште

Караванот на Коалицијата „Најдоброто за мојата општина“, предводена од СДСМ вечерва одржа граѓански трибини во Гостивар и Врапчиште.

„Развојот и напредокот на општините зависи и од локалните совети, од нивната капацитетност и одговорност пред граѓаните. Затоа, ве повикуваме во недела да гласаме за советничките листи на СДСМ и Најдоброто за мојата општина, за советници кои ќе реализираат проекти, а не за оние кои блокираат и опструираат. Да гласаме за развојот кој го нудат советите на СДСМ, а не за блокадите со кои се заканува ВМРО-ДПМНЕ.“, рече на трибината во Гостивар, претседателот на СДСМ, Зоран Заев.

На трибината во Врапчиште беа претставени кандидатите за советници и за градоначалник Џезми Мамути. „Цврсто сме решени општина Врапчиште да биде европска општина со европски квалитет на живот. Во Врапчиште планираме конечно затворање на депонијата во Неготино и затворање на сите диви депонии, реконструкција на водоводната мрежа во Зубовце, реконструкција на патот за Ѓурѓевиште и на патот за Калиште.“, рече Заев.