Гостивар
Се активираат алергиите – Третирање навреме, за да не дојде до компликации
Пролетните месеци се време кога лекарите вообичаено бележат зголемен број на пациенти со алергиски проблеми. Доктор Насир Муслиу, специјалистит по уво, грло и нос во гостиварската болница вели дека најчесто се работи за алергиски ринит, кој е резултат на реакција на организмот на полен.
„Сега е период кога се јавуваат алергии кои ги зафаќаат горните дишни патишта, а најчест е алергискиот ринит. Тој се манифестира со често кивање, чешање и изразено затнување на носот, чешање на очите, а може да се јави и намалено чувство за мирис. Овие алергии кои се резултат на промените во природата, односно поленот. Не значи дека кај секој човек ќе се јави алергија, голем фактор овде се генетските предиспозиции. Сепак, навистина е голем бројот на луше кои страдаат од ваков вид на алергии.“, вели д-р Насир Муслиу, оториноларинголог
Лекарите советуваат граѓаните со алергиски симптоми навреме да побараат медицинска помош за да се спречат компликации. Во третманот се даваат антихистаминици, капки за нос, физиолошки раствор за прочистување, а за потешките случаи и спреј со кортикостероиди.
„Како и сите други здравствени проблеми кои траат подолго, така и алергиите, ако не се третираат навреме, ќе доведат до компликации. Може да се јави воспаление на уво, или да допрат до долните дишни патишта до уште потешки компликации“, рече д-р Муслиу.
Прецизна статистика за бројот на алергични граѓани нема, но искуствата на лекарите покажуваат дека секој петти возрасен човек и секое четврто дете страдаат од некаков вид на алергија.
Покрај соодветата терапија, лицата треба да избегнуваат контакт со алергенот колку што е можно повеќе. Не треба да излегуваат надвор претпладне, кога концентрацијата на поленот е доста поголема, или пак кога има ветер.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk