Се одбележува Денот на македонската полиција, 7 мај

Денешен датум, 7 мај е прогласен за Ден на македонската полиција и безбедност. По тој повод на спомен обележјата во кругот на МВР со положување свежо цвеќе ќе им оддаде почит на загинатите бранители.
Со почеток од 11.30 часот во Полицискиот центар ,,Ѓорче Петров,, раководството на МВР, дел од вработените, поканети гости од Дипломатскиот кор ќе имаат можност да присуствуваат на церемонијата по повод одбележувањето на празникот. Најавено е обраќање на министерот за внатрешни работи Наќе Чулев, показни вежби од страна на Единиците на МВР како и доделување плакети за посебен придонес и заложба во работењето на министерството за вработени во МВР и плакети за благодарност до претставниците на Дипломатскиот кор.