Вести
Се одржа првиот пливачки маратон „Леуново 2019“ на Мавровско езеро (фото галерија)
Во Леуново, денеска се одржа пливачкиот маратон, „Леуново 2019“ кој е дел од Македонскиот куп во далечинско пливање во организација на Пливачката федерација на Македонија. Маратонот за прв пат се одржува во вакво издание и е дел од годинешното одбележување на празникот „Успение на Пресвета Богородица“, кој традиционално се празнува на 28 август во ова село.
Повеќе од 20 пливачи од цела Македонија учестуваа во 3 километарската трка, која се одржа во водите на Мавровското езеро под хотелот Радика. Поради силното струење и неповолните временски услови се откажа првичната рута за препливување на езерото од Маврови Анови до Леуново, беше изработена посебна стаза во водите на Мавровско езеро со должина од 500 метри, по која натпреварувачите пливаа 6 круга.
Прв низ целта помина Филип Деркоски со време од 32 минути и 24 секунди, зад него беше Јасин Рамадани, додека на третото место заврши Толга Демичан.
Во категоријата од 12 до 14 години, Марко Ѓузиќ беше најбрз, додека второто и третото место го зазедоа Андреј Крстевски и Михаил Велковски. Во женска конкуренција единствена која помина низ целата беше Лина Јорадановска.
Прогласувањето на победниците и доделување на медалите се одржа во кругот на црквата „Успение на Пресвета Богородица“ во Леуново, медалите на најспешните им ги додели директорот на ЈУНП Маврово, Самир Ајдини, кој им честиташе на победниците и организаторитите на овој настан, изразувајќи желба овој маратон во водите на Мавровоското езеро да премине во традиција.
Организатори на овој натпревар се: с.Леуново, Националната пливачка федерација, Општина Маврово-Ростуше, пливачкиот клуб „Охридски бранови”, Кајак Клуб „Бабуна”, А.Д КЕМ Гостивар. Прославата на празникот „Успение на Пресвета Богородица“ во с.Леуново ќе се одржи во среда на 28 август.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
БРАВО! Руфија Идризовска од Гостивар со просек 10,00 најдобар студент на ПМФ и Институтот за хемија
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник