Гостивар
Се полнат инфективно и модуларната болница, Гостивар на удар на нов силен ковид бран
Гостиварското подрачје не остана имуно на новиот ковид бран. Вирусот интензивно се шири меѓу луѓето, а секојдневно расте бројот на пациенти кои имаат потреба од хоспитализација.
На инфективното одделение и во модуларната болница утрово имаше уште само пет слободни кревети. Доколку продолжи ваквиот тренд, најверојатно и други болнички одделененија ќе се пренаменат во ковид центри.
„Алармантна е состојбата, особено последните десет дена има голем раст на пациенти за болничко лекување, во двата објекта, инфективно и модуларната болница, моментално има само 5 слободни места, а секој ден доаѓаат нови пациенти. Ако вака продолжи ќе треба и други одделенија да се отворат за ковид болни. Она што може да го издвоиме е дека сега кај пациентите се јавува висока температура која трае повеќе денови, но овој бран не е толку смртоносен како претходниот, есенскиот“, изјава д-р Лирим Беќири, интернист.
Лекарското искуство покажува дека карактеристика за новиот корона бран е и тоа што силно ја погодува помладата популација. На инфективното одделение во Гостивар се лекува 24 годишен пациент со пневмонија предизвикана од коронавирус. Друга специфика е што во повеќето случаи се работи за семејни кластери, односно заразата зафаќа цели семејства.
Врз медицинскиот персонал паѓа голем товар, а со оглед дека нема доволно инфектолози во лекувањето се ангажирани интернисти, како и специјализанти.
„Апелираме до луѓето да ги почитуваат мерките за заштита, да спречиме да се шири вирусот. Значи носење на маски, дезинфекција и да не се групираат. Ако не се запазат мерките, ќе станува само полошо“, рече докторот Беќири.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk