Се претставил како менаџер на гостиварска агенција и со измама зел пари

Триесет и двегодишен жител на тетовско село вчеравечер (27 септември) во 21 часот и 10 минути во СВР Тетово пријавил дека бил измамен од едно лице. Според пријавеното, во текот на денот лицето му се јавило и се претставило како менаџер на гостиварска туристичка агенција, му нарачало автобуски гуми и му побарало пари за да заврши друга работа во Тетово, а откако ќе му бидат донесени гумите ќе плател за нив и ќе ги  врател позајмените пари. Пријавителот му ги испратил бараните пари, а ги однел и нарачаните гуми, за кои подоцна утврдиле дека не биле нарачани од таа агенција, по што сфатил дека бил измамен. Неофицијално се работи за сума од околу 400 евра.

Полицијата информира дека се расчистува и документира случајот.