Се укинува носењето маска на аеродромите и во авионите во Европа

Носењето маски веќе нема да биде задолжително на аеродромите и на летовите во Европа, соопштија Европската агенција за безбедност на воздушниот сообраќај и Европскиот центар за превенција и контрола на болести.

Како што наведуваат, новите препораки ќе стапат во сила од 16 мај.

– Од следната недела, маските за лице веќе нема да бидат задолжителни во авионите, што во голема мера е во согласност со променливите барања на националните власти низ Европа, кога станува збор за јавниот превоз, изјави извршниот директор на Европската агенција за безбедност на воздушниот сообраќај, Патрик Ки.