Се утврдуваат причините за синоќешниот пожар во Гостивар – семејството нема услови да живее во куќата

Семејството во чија ќука избувна големиот пожар ноќеска во Гостивар, нема услови да живее во објектот. Огнената стихија целосно ги проголта горниот кат и кровот, а првиот кат е уништен и без услови за живеење. „Кога видовме дека гори ламперијата ја отворивме вратата од балконот, ја турнав ролетната и излеговме надвор. Викнавме по комшиите и они да излезат, за да се спасиме ние луѓето. Уништено ни е се`, ништо не е за употреба. Кој што може нека ни помогне и господ да му врати со убаво“, вели  68 годишната гостиварка, сопственик на изгорената куќа.

Повредени нема, а причинета е огромна материјална штета со оглед дека пожарот се проширил брзо и на две соседни куќи. Пожарникарите го гаснеле огнот до 3 часот наутро. Полицијата соопшти дека во текот на денешниот ден ќе се врши увид и се утврдуваат причините за пожарот и другите поединости.