Спорт
Се враќа публиката на кошаркарските натпревари низ Европа – Во Македонија се‘ уште строго забрането
Во финишот од сезоната, се повеќе држави во Европа ги олабавуваат мерките против корона вирусот.
Меѓу другото, полека се отвораат вратите од арените во кои се играат кошаркарски натпревари. Во Израел и Русија одамна се игра пред публика, а љубители на кошарката ќе можат да присуствуваат и на дуели од плеј-офот во италијанското и шпанското првенство.
Во Италија е дозволено салите да бидат исполнети до 15% од нивниот капацитет и тоа ќе почне да се применува од првиот полуфинален меч на Виртус против подобриот од серијата меѓу Венеција и Сасари. Од 1 јуни бројката на посетители ќе се зголеми на 25% од капацитетот на салите.
И шпанската влада донесе протокол според кој спортските арени ќе можат да бидат отворени за публика претстојниот период. Таму, арените ќе можат да исполнети до 25%, но не повеќе од 1.500 гледачи. При влезот ќе мораат да се почитуваат мерките против корона, посетителите имаат обврска да носат маски и да седат на растојание од најмалку 1,5 метар, пренесува Кош.мк.
Кај нас сеуште е на сила забраната за присуство на публика на спортските натпревари, иако министерот за здравство Венко Филипче, минатиот понеделник изјави дека ќе биде дозволено присуство на публика на спортските натпревари во ограничен процент под посебни протоколи, Владата донесе одлуки за бројни олеснувања во јавниот живот по намалените бројки на заразени од Covid-19, но го издвои спортот, па со посебен акцент е ставено до знаење дека физичко присуство на публика на спортските терени нема да има.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk