Се заоструваат правилата за авторските права на интернет, ЕУ го усвои контроверзниот Член 13

Европскиот парламент го изгласа пакет Законот за авторски права на интернет. Меѓу кои се Член 11 и Член 13, со кои жестоко се заоструваат правилата во почитувањето на авторските права на интернет, кој изминативе две години предизвика големи дебати.

Членот 13 од Законот за авторски права на интернет ги присилува интернет компаниите да воведат строги нови автоматски проверки низ кои содржините мора да минат, пред да се објават на платформи како Твитер, Фејсбук и Јутјуб.

Членот 11, ги опфаќа помошните авторски права наречен и „данок за линк“, се задолжуваат компаниите како Гугл да плаќаат за користење на линкови од публикациите чии содржини ги пласираат преку агрегатор, како на пример со сервисот Гугл Њуз.

Европскиот парламент ја усвои директивата за авторски права со 348 гласови „за“ и 274 „против“. Текстот, кој во рок од две години ќе мора да биде пренесен во националното законодавство на сите земји членки на Унијата, ги усогласува правата на интелектуална сопственост на 27-те земји членки.