Се запалило возило во гостиварска Горна Бањица, огнот го изгаснале случајни минувачи

Во гостиварската полициската станица синоќа бил пријавен случај на запален автомобил. Како што соопшти СВР Тетово, педесет и осумгодишниот Е.А. од гостиварска Горна Бањица, вчера околу 21 часот и 50 минути, пријавил дека патничко возило  „Форд мондео“ со гостиварски регистерски таблици, сопственост на Н.А.( 27 ), исто така, од Горна Бањица, е запалено. Автомобилот горел во предниот лев пневматик и пластичниот дел во негова близина.

Онгот бил изгаснат со интервенција на случајни минувачи. Полицијата извести дека е извршен  комплетен увид и се расветлува како се случило опожарувањето на возилото, околностите и се друго.