Се зголемува процентот на новозаразени со корона меѓу децата

Во периодот од 31 јануари до 6 февруари во земјава направени се вкупно 33.421 ковид тестирања, од кои  9.982 имаат позитивен резултат, објеви во неделниот ивештај Институтот за јавно здравје.  Процентот на позитивност се движи од 22,5% до 35,6%, просечно 29,5%. Најголем дел од регистрираните случаи се од Скопје 5.300, додека во Гостивар во посочениот период евидентирани се 235 новозаразени.

Регистрирани се заболени лица во сите возрасни групи. Најзастапени се возрасните групи на лица на возраст над 60 години. Највисоко зголемување во однос на претходната недела се забележува кај децата на возраст од 0 до 9 години со 21,4% и од 10 до 19 години со 16,5% .

Согласно новиот алгоритам за оздравување во текот на минатата недела со статус „оздравени“ се стекнало 11.122 лице во хоспитализирани услови или на домашно лекување.

Во текот на минатата недела вкупно се пријавени 1.340 реинфекции, со намалување за 14,0% во однос на претходната недела. Од почетокот на пандемијата заклучно со 6.02.2022, регистрирани се вкупно 7.842 (2,8%) реинфекции, од кои кај 20 лица тоа биле реинфекции по втор пат. Од реинфекциите, 16 завршиле со смртен исход

Минатата недела пријавени се 147 смртни случаи, најголем дел од Скопје (51).