Гостивар
Сечење на дрвја во Гостивар: Еко активистите и институциите ги вкрстија ставовите
Да или не, за сечење на дрвја во големиот парк во Гостивар? По ова прашање, ставовите денес ги вкрстија Јавното претпријатие за зеленило и екологистите. Од претпријатието оцениле дека 5 до 6 поголеми дрвја со надвиснати гранки претставуваат ризик за минувачите и планираат нивното отстранување. Ги поканија екологистите на јавна дебата, а и на лице место да ја увидат состојбата, пред да се донесе конечната одлука.
„Втора година по ред органиизраме јавна дебата од ваков тип. Денес со еко активистите го посетуваме и градскиот парк, кадешто има неколку дрвја кои треба да се исечат и кастрат, затоа што се ризик за граѓаните кои минуваат од тука. Нема да го оставиме градот без дрвја, ќе засадиме нови, како што засадивме и минатата година“, изјави Беким Челебиу, директор на ЈП за паркинзи и зеленило.
Валентина Штерјоска, како еко активист бара повеќе зелени површини низ градот и да нема сечење на дрвјата без потреба.
„Изминатиот период се исекоа многу дрвја без потреба: во Малеарди, кај автобуската станица, потоа близу училиштето „Гоце Делчев“ оти наводно пречеле на тротоарот. Сега се планира и во паркот со образложение дека се опасност. Нема ни доказ за такво нешто, но ајде и да кажеме дека има некоја вистина во тоа, во никој случај не треба да се исечат од корен. Јас како екологист не сакам да бидам само статист и декор во целата оваа приказна. Апелирам повеќе да не се сечат дрвја. Или ако веќе дрвото е некаков ризик, нека се исече до половина, а не целото.“, рече Штерјоска.
Ахмет Салмани, претседател на ГвЕко нагласи дека мора да се направи баланс да не се наштети на животната средина и да не се загрозуваат граѓаните.
„Треба да има една политика кон животната средина, приод кон дрвјата да биде балансиран, и да води сметка за безбедноста на граѓаните и да води грижа за животната средина. Секое сечење на дрво е траума за животната средина. А сепак, треба да се има предвид дека некои дрвја кои се стари, гнили или се преголеми се навистина ризик“, рече Салмани.
Од претпријатието за зеленило најавија дека ќе објават и фотографии на социјалните мрежи од дрвјата кои е планирано да се исечат, за да може што поголем број на граѓани да го кажат своето мислење.
-
Гостиварпред 1 месец
Курсна листа на НБРМ и приватните менувачници во Гостивар
-
Македонијапред 2 недели
Денеска е Летник
-
Гостиварпред 2 месеци
Се потсетуваме, најсреќните на Водици во Гостивар кои го извадија крстот од Вардар
-
Македонијапред 2 месеци
Србите го слават Свети Сава – Национален празник на српската заедница во земјава
-
Македонијапред 2 недели
Денес е Прочка – Проштевајте и побарајте прошка од оној на кој сте му згрешиле
-
Гостиварпред 3 месеци
Во среда прва проба за бадниковата поворка во Гостивар – Пријавете ги дечињата
-
ФОТО ВЕСТпред 3 месеци
ФОТО ВЕСТ: Манастирот Преображение во Циглана осветлен за Бадник
-
Видео емисиипред 3 месеци
Емисија: НОВОГОДИШНО „НАРАЧАНО“ ИНТЕРВЈУ со Дедо Мраз | Gostivarpress.mk