Поврзи се со нас

Гостиарски

#Седидома и не го пропуштајте ова: КК Гостивар – Кочани Деликатес 1994 година

Објавено

на

Во вечно студената и преполна сала „Младост“ во Гостивар, во ракмите на 19-тото коло од Првата А-1 Мак партнер лига се сретнаа екипите на КК Гостивар и лидерот на табелата Кочани Деликатес. За гостиварци ова беше мошне важен натпревар на кои им беше потребна победа за влез помеѓу првите 6 екипи, со што би се пласирале во завршниот плеј-оф и борбата за титула.

Гостивар во состав: 4 Будимир Јоловиќ, 5 Мемиќ, 6 Горан Божиновски, 7 Горан Заревски, 8 Тофилоски, 9 Мирко Петрески, 10 Стојче Наумoски (кап), 11 Блаже Ефремоски, 12 Марјан Србиноски, 15 Дарко Димитриевски, тренер Благоја Печалов.

„Сино-белите“ уште од самиот почеток пожртвувано влегоа во натпреварот, првите поени за водство од 2:0 за гостиварскиот клуб, ги постигна еден од најталентираните млади кошаркари во земјата Марјан Србиноски.

И по само 4 минути игра, прекин на натпреварот!

Во храмот на кошарката во Гостивар при водство на гостинската екипа од 6:7 се изгаснаа пола од рефлекторите што наиде на незадоволство помеѓу службените лица и ерупција на трибините, што пак беше знак за неизоставниот декор на натпреварите на Гостивар во Младост, тапанџиите „да се пуштат на најјако“. После само четири минути кошарка, прекин на натпреварот, неартикулисани извици од трибините, Гемиџиите со романтични скандирања кон гостинските играчи, полу-темна сала, зурлите пиштат, во Младост хаос!!

После 5 минутен прекин натпреварот продолжи. Дуелот во првиот дел се претвори во вистинска резултатска клацкалица и бркотница по теренот, се менуваше водството и на двете страни, но нити една екипа не успеа да направи посериозна разлика. Искусната и квалитетна екипа на кочанчани без многу напор се носеше со играта на гостиварци кои се повеќе го напаѓаа обрачот на гостите. На полувремето се замина со резултат 33:34 за гостинската екипа.

Во второто полувреме, избраниците на Печалов без респект кон силниот противник продолжија да се надигруваат со една од најквалитетните екипи во првенството, засилени со првите американски кошаркари кои заиграа во македонската кошарка Инграм и Апшоу екипата на Кочани беше голем залак и за многу посилни екипи од Гостивар. Како се приближуваше крајот на натпреварот, од, до ден денес нејасни, но на сите добро познати причини, салата Младост во Гостивар се повеќе се полнеше, со што и атмосферата дополнително се вжештуваше. После 11 минути игра во второто полувреме повторно прекин! Овој пат откажа семафорот и повторно хаос во Младост, кој траеше нешто пократко од првиот.

Гемиџиите со својата песна беа ветер во грб на гостиварските кошаркари кои со сите сили им се спротиставуваа на Књазев, Миронов, Кнежевиќ посебно американецот Инграм кој ги покажа сите свои квалитети и имаше одлична партија. Но, и Гостивар имаше свој адут во “Американецот од Дебреше”.

Капитенот Стојче Наумoски, беше нерешлива енигма за екипата на Кочани Деликатес, лидерот на табелата немаше одговор за играта на Наумoски, кој распали од сите страни и со 23 поени (7 тројки) ја одржуваше својата екипа резултатски во игра, дури на 4 минути пред крај КК Гостивар се одвои на 5 поени предност, што во публиката кај некои поединци предизвикуваше неконтролирани емоции и чудни движења. За, на 20 секунди пред крајот со 1 поен предност за домаќините Стојче Наумоски растревожен, Дарко Димитриевски повреден, Горан Заревски со 5 лични, Мирко Петрески нервозен, а Кочани Деликатес во напад…

Kрајот и инвазијата на публиката на теренот, со коментар на легендата на спортското новинарство Зоран Михалов, најдобро ќе биде сами да ги погледнете:

Вака беше во Гостивар во спортската сала Младост на 29 јануари 1994 година. Натпревар кој благодарејќи на коронавирусот и мерките, на натера да го реобработиме и споделиме со вас. Седите дома, почитувајте ги препораките за што побрзо се вратиме во Младост и продолжиме да создаваме вакви незаборавни моменти.

Ова впрочем беше и прв директен телевизиски пренос на спортски натпревар на МРТВ од Гостивар во независна Македонија, гледачите баш имаа и што да погледнат.

*(Во текстот користена е мала доза на сатира)

Голема благодарност до играчот со број 7 на КК Гостивар за видео материјалот.

Сподели ја веста:
„МИНУТИ ЗА СЕКОГО“ | Фејзи и Ѓурчиновска | ЖЕНИТЕ ОД РУРАЛНИ СРЕДИНИ
Прочитај повеќе
Остави коментар

Оставете коментар

Вашата адреса за е-пошта нема да биде објавена. Задолжителните полиња се означени со *

Advertisement
Advertisement
Advertisement

Огласи за вработување:

- Монтенегро ДОО Гостивар
- Клуб Спорт 77
- Млекара Маврово с.Ижиште
Гостиварпред 4 недели

Курсна листа на НБРМ и приватните менувачници во Гостивар

Македонијапред 5 дена

Денеска е Летник

Македонијапред 2 дена

Денес е Прочка – Проштевајте и побарајте прошка од оној на кој сте му згрешиле

Вестипред 2 недели

Историјат на Осми март – Празник посветен на правата на жените

Гостиварпред 2 недели

Гостиварско архиерејско намесништво: Распоред на дежурни свештеници за Задушница

Гостиварпред 3 недели

Објавен повик за невработени-По 6.000 евра грант за да си отворат бизнис

Гостиварпред 3 недели

„Врие“ од револт кај граѓаните од Бањица: Под шатори ќе спиеме на нивите, ја бараме ветената средба со Владата

Гостиварпред 4 недели

„Пациенти“ во Гостивар, урнебесна комедија за брачните „војни“

Гостиварпред 4 недели

Гостивар во спомен на 8 децении од смртта на херојот Злате Малаковски и Февруарскиот поход

Гостиварпред 4 дена

Со љубов и почит кон корените – „Танец“ одржа концерт во Гостивар

Гостиварпред 2 месеци

Водици 2024 Гостивар: Осветени водите на Вардар – Бог се јави, Навистина се јави!

Гостиварпред 2 месеци

Ангелчињата во Гостивар го најавија Христовото раѓање-Бадникова поворка 2024

Спортпред 3 месеци

По првиот круг од сезоната КК Гостивар „виси“ на 8-та позиција на табелата

Спортпред 3 месеци

Кехинде од пенал му пресуди на Македонија Ѓорче Петров 1-0

Гостиварпред 6 месеци

Стефановски: Гостивар одличен како домаќин и публика, благодариме од срце!

Спортпред 7 месеци

ФК Гостивар загуби на домашен терен од Силекс 1-2

Гостиварпред 7 месеци

Осветена црквата „Св.Климент Охридски“ во Пожаране: Да го чуваме православието, секој храм е парче небо на земјата!

Гостиварпред 7 месеци

Гостивар домаќин на атрактивна Меѓународна изложба на кучиња со учесници од 25 земји

АНКЕТА:

Дали ќе гласате на претстојните ПРЕТСЕДАТЕЛСКИ и ПАРЛАМЕНТАРНИ ИЗБОРИ 2024?
Advertisement

Популарно изминативе 100 дена